TIFĦIR TA’ SBIĦ IL-JUM - 19 TA’ MARZU - SAN ĠUŻEPP, GĦARUS TAL-VERĠNI MQADDSA MARIJA - SOLENNITÀ

19 TA’ MARZU

  SAN ĠUŻEPP, GĦARUS TAL-VERĠNI MQADDSA MARIJA  -  SOLENNITÀ

meħudin mill-ktieb 'IT-TALBA TAN-NISRANI'   

IS-SEJĦA GĦAT-TIFĦIR ‘L ALLA
(jew IS-SEJĦA GĦAT-TIFĦIR ‘L ALLA tista' tinqarha http://medjugorjemalta.blogspot.com/2013/03/is-seja-ta-sbie-il-jum-fi-zmien-ir.html ) 

                                                                          (fi żmien ir-Randan ma tingħadx Alleluja)

(waqt li nroddu s-Salib ngħidu)
V. Mulej iftaħli xufftejja

R. U fommi jxandar it-tifħir tiegħek
Glorja lill-Missier, u lil Iben u lil Ispirtu s-Santu, kif kien mill-bidu, issa u dejjem, u jibqa’ għal dejjem ta’ dejjem, Ammen.

(Fi żmien il-Għid, fl-aħħar ta' l-antifona, fejn m'hemmx diġa, tiżdied, Alleluja)



Ant: Infaħħru lil Kristu Sidna fis-solennità ta’ San Ġużepp

Salm 94 (95)

Ejjew, ħa nfaħħru bl-hena l-Mulej,

   ħa ngħajtu bil-ferħ lill-blata tas-salvazzjoni tagħna!

Nersqu quddiemu b’għana ta’ radd il-ħajr,

   ngħannulu b’għajjat ta’ ferħ.  Ant:

Għax Alla kbir hu l-Mulej,

   sultan kbir fuq l-allat kollha.

F'idejh huma qigħan l-art,

   tiegħu huma l-qċaċet ta’ l-għoljiet.

Tiegħu l-baħar, għax hu għamlu;

   tiegħu l-art, għax b'idejh saret.  Ant:

Ejjew inqimuh u ninxteħtu quddiemu,

   għarkubbtejna quddiem il-Mulej li ħalaqna!

Għaliex hu Alla tagħna,

   u aħna l-poplu tal-mergħa tiegħu

      u n-nagħaġ tiegħu.  Ant:

Mhux li kontu llum tisimgħu leħnu !

   "La twebbsux qalbkom bħal f'Meribah,

bħal dakinhar f'Massah, fid-deżert,

   meta ġarrbuni u ttantawni missirijietkom,

   għalkemm raw dak li jien għamilt. Ant:

Għal erbgħin sena domt nistmellu dan in-nisel;

   u jien għedt: Qalbu mħassra dan il-poplu,   

   u triqati ma jagħrfux.

Għalhekk ħlift fl-għadab tiegħi:

   Ma jidħlux fil-mistrieħ tiegħi?"  Ant:

Glorja lill-Missier, u lil Iben, u lil Ispirtu s-Santu. Kif kien mill-bidu, issa u dejjem, u jibqa’ ghal dejjem ta’ dejjem. Ammen. Ant:

TIFĦIR TA’ SBIĦ IL-JUM

INNU

Int ġieħ ta’ l-anġli u l-qaddisin, Ġużeppi,

għajnuna tal-bnedmin u tama tagħna !

Ilqagħha l-għanja ta’ tifħir u qima

   li llum noffrulek.

Is-Sid tal-ħlejjaq għażlek, nisel David,

b’għarus tal-Verġni ; riedek tkun imsejjaħ

missier il-Verb; u tak li tkun ministru

   tas-salvazzjoni

B’ferħ kbir rajt il-Feddej, mimdud f’maxtura,

li kien imħabbar mill-profeti kollha,

u l-ewwel wieħed kont li, flimkien m’ommu,

   Inxtħett biex tqimu.

Sultan is-slaten, Alla, Sid id-dinja,

li jaħkem il-ħolqien u ħarstu triegħed

bil-biża’, lis-setgħat, ried joqgħod taħtek

   u jisma’ minnek.

Tifħir jintradd lit-Trinità Qaddisa,

li sawbet fuqek ġieħ u glorja kbira;

Għall-merti tiegħek, jogħġbu Alla jtina

il-ferħ ta’ dejjem. Ammen.

SALMODIJA

Ant. 1 Ir-rgħajja marru jgħaġġlu, u sabu lil Marija u ‘l Ġużeppi, bit-tarbija mimduda f’maxtura.

Salmi u kantiku tal-Ħadd tal-1 ġimgħa

Salm 62 (63), 2-9

Alla, Alla tiegħi int; *

   lilek ħerqan infittex.

Ruħi bilgħatx għalik, †

   għalik imxennaq jiena, *

   bħal art niexfa, maħruqa, bla ilma.

Għalhekk ġejt narak fit-tempju mqaddes tiegħek, *

   biex nitgħaxxaq bis-setgħa u l-glorja tiegħek.

Għax it-tjieba tiegħek aħjar mill-ħajja, *

   xufftejja jxandru t-tifħir tiegħek. –

Għalhekk inbierkek tul ħajti kollha; *

   ngħolli jdejja u nsejjaħ ismek.

Bħal b’ikel mill-aħjar li jsemmen nimtela, *

   u jgħannilek fommi b’xufftejn ferrieħa,

meta, mimdud fuq friexi, fik niftakar, *

   u naħseb fuqek fis-sahriet tal-lejl.

Għax int kont għajnuna għalija, *

għad-dell ta’ ġwenħajk ngħanni bil-ferħ.

Miegħek tingħaqad ruħi, *

int tweżinni bil-leminija tiegħek.

Glorja.....

Ant. 1 Ir-rgħajja marru jgħaġġlu, u sabu lil Marija u ‘l Ġużeppi, bit-tarbija mimduda f’maxtura.

Ant. 2 Ġużeppi u Marija, omm Ġesu, baqgħu mistagħġba b’dak li kien qiegħed jingħad fuqu; u Xmun berikom.

Kantiku (Dan 3,57-88.56)

Bierku, għemejjel kollha tal-Mulej, il-Mulej, *

   faħħruh u għolluh għal dejjem.

Bierku, anġli tal-Mulej, il-Mulej; *

   bierku, smewwiet, il-Mulej.

Bierku, ilmijiet kollha ta’ fuq is-sema, il-Mulej; *

   bierku, setgħat kollha, il-Mulej.

Bierku, xemx u qamar, il-Mulej; *

   bierku, kwiekeb tas-sema, il-Mulej.

Bierku, xita u nida kollha, il-Mulej; *

   bierku, irjieħ kollha, il-Mulej.

Bierku, nar u sħana, il-Mulej; *

   bierku, bard u ksieħ, il-Mulej.

Bierku, nida u borra, il-Mulej; *

   bierku, silġ u bard, il-Mulej.

Bierku, ġlata u silġ, il-Mulej; *

bierku, iljieli u ġranet, il-Mulej.

Bierku, dawl u dlam, il-Mulej; *

   bierku, beraq u sħab, il-Mulej.

Ħa tbierek l-art il-Mulej, *

   ħa tfaħħru u tgħollih għal dejjem.

Bierku, muntanji u għoljiet, il-Mulej; *

   bierku, kull ma jinbet fl-art, il-Mulej.

Bierku, għejun, il-Mulej; *

   bierku, ibħra u xmajjar, il-Mulej.

Bierku, ħut kbir u kull ma jżiġġ fl-ilma, il-Mulej; *

   bierku, tjur kollha ta’ l-ajru, il-Mulej.

Bierku, bhejjem u mrieħel kollha, il-Mulej; *

   bierku, ulied il-bnedmin, il-Mulej.

Bierek, Iżrael, il-Mulej, *

   faħħruh u għolluh għal dejjem.

Bierku, qassisin tal-Mulej, il-Mulej; *

   bierku qaddejja tal-Mulej, il-Mulej.

Bierku, spirti u rwieħ tal-ġusti, il-Mulej; *

   bierku, qaddisin u intom ta’ qalb umli, il-Mulej.

Bierku, Ħananija, Għażarija u Misael, il-Mulej, *

   faħħruh u għolluh għal dejjem.

Inbierku l-Missier u l-Iben u l-Ispirtu s-Santu; *

   infaħħruh u ngħolluh għal dejjem.

Imbierek int, Mulej, fil-wisa’ kollu tas-sema, *

   ta’ min jgħollik u jsebbħek fuq kollox għal dejjem.

(Fl-aħħar ta’ dan il-kantiku l-Glorja ma tingħadx)

Ant. 2 Ġużeppi u Marija, omm Ġesu, baqgħu mistagħġba b’dak li kien qiegħed jingħad fuqu; u Xmun berikom.

Ant. 3 Ġużeppi qam, ħa miegħu lit-tifel, u ‘l ommu, u warrab lejn l-Eġittu, u baqa’ hemmhekk  sal-mewt ta’ Erodi.

Salm 149 

Għannu lill-Mulej għanja ġdida: *

   fil-ġemgħa ta’ ħbiebu t-tifħir tiegħu!

Ħa jifraħ Iżrael bil-Ħallieq tiegħu, *

   u jithennew ulied Sijon bis-sultan tagħhom!

Ħa jfaħħru biż-żfin l-isem tiegħu, *

   bid-daqq tat-tanbur u taċ-ċetra!

Għax il-Mulej jitgħaxxaq bil-poplu tiegħu, *

   u jsebbaħ lill-fqajrin bir-rebħa.

Bil-glorja jithennew ħbiebu, *

   u jaqbżu bil-ferħ fuq friexhom!

It-tifħir ta’ Alla jkun fuq fommhom, *

   u sjuf b’żewġt ixfar f’idejhom,

biex jistgħu jitħallsu mill-ġnus, *

   u jagħtu l-kastig lill-popli,

jorbtu bil-ktajjen is-slaten tagħhom, *

   bi rbit tal-ħadid il-kbarat tagħhom,

jagħmlu minnhom il-ħaqq miktub għalihom: *

   dan hu ġieħ għall-ħbieb tiegħu kollha.

Glorja.........

Ant. 3 Ġużeppi qam, ħa miegħu lit-tifel, u ‘l ommu, u warrab lejn l-Eġittu, u baqa’ hemmhekk  sal-mewt ta’ Erodi.

LEZZJONI QASIRA                                                      2 Sam 7,28-29

   Sidi Mulej, int Alla, il-kelma tiegħek hi s-sewwa, u int wegħidt dan il-ġid kollu lill-qaddej tiegħek. Qum u bierek il-familja tal-qaddej tiegħek, ħalli tibqa’ quddiemek għal dejjem ! Għax int, Sidi Mulej, tkellimt, u l-familja tal-qaddej tiegħek tkun imbierka għal dejjem bil-barka tiegħek.

RESPONSORJU QASIR

R. Il-Mulej Alla * Għamlu sid fuq id-dar tiegħu. Il-Mulej Alla……..

V. Ħallielu f’idejh ġidu kollu. * Għamlu sid fuq id-dar tiegħu.

Glorja lill-Missier u lil Iben u lil Ispirtu s-Santu.

Il-Mulej Alla għamlu sid fuq id-dar tiegħu.

 ----------------------------------------------------------

Fi żmien il-Għid

R. Il-Mulej Alla għamlu sid fuq id-dar tiegħu * Hallelujah, hallelujah. Il-Mulej Alla…….

V. Ħallielu f’idejh ġidu kollu. * Hallelujah, hallelujah.

Glorja lill-Missier u lil Iben u lil Ispirtu s-Santu.

Il-Mulej Alla għamlu sid fuq id-dar tiegħu

----------------------------------------------------------- 

Ant. Tal-kantiku ta’ Żakkarija: Ġużeppi mar joqgħod f’belt jisimha Nazaret, biex hekk iseħħ dak li l-profeti ħabbru fuq Kristu: Ikun jissejjaħ Nażri.

Imbierek il-Mulej, Alla ta’ Iżrael, *

   għaliex ġie jżur u jifdi l-poplu tiegħu,

u waqqaf għalina qawwa ta’ salvazzjoni *

   f’dar David, qaddej tiegħu,

bħalma kien wiegħed fl-imgħoddi *

   b’fomm il-profeti qaddisin tiegħu,

biex isalvana mill-għedewwa tagħna *

   u minn idejn dawk kollha li jobogħduna.

B’hekk juri ħniena ma’ missirijietna, *

   u jiftakar fil-patt qaddis tiegħu,

fil-ħalfa li ħalef lil Abraham missierna, *

   li jagħtina

li, meħlusin minn idejn l-għedewwa tagħna, *

   naqduh bla biża’

tul ħajjitna kollha, *

   bil-ġustizzja u l-qdusija quddiemu.

U inti, tfajjel, tissejjaħ profeta ta’ l-Għoli; *

   għax tmur qabel il-Mulej biex tħejjilu triqatu,

biex tgħarraf lill-poplu tiegħu bis-salvazzjoni, *

   bil-maħfra ta’ dnubiethom,

ħierġa mill-qalb ħanina ta’ Alla tagħna, *

   li jibagħtilna mill-għoli ż-żjara tax-Xemx tielgħa,

ħa jdawwal lil dawk li jinsabu

   fid-dlamijiet u d-dell tal-mewt, *

ħa jmexxi l-passi tagħna fit-triq tas-sliem.

Glorja lill-Missier, u lil Iben, *

u lil Ispirtu s-Santu,

Kif kien mill-bidu, issa u dejjem, *

u jibqa’ għal dejjem ta’ dejjem. Ammen.

Ant. Tal-kantiku ta’ Żakkarija: Ġużeppi mar joqgħod f’belt jisimha Nazaret, biex hekk iseħħ dak li l-profeti ħabbru fuq Kristu: Ikun jissejjaħ Nażri

PREĊI

Il-Mulej waħdu jiġġustifika lill-bnedmin. Nitolbuh bl-umiltà:

   Mulej, żommna fil-ħajja ġusta tiegħek.

Int, Alla Sidna, sejjaħt lil missirijietna biex jgħixu b’qalb perfetta quddiemek:

- agħmel li nimxu fuq il-passi tagħhom biex inkunu perfetti kif tridna int.

  Mulej, żommna fil-ħajja ġusta tiegħek.

Int għażilt lil Ġużeppi, raġel gust, biex irabbi lil Ibnek li sar bniedem:

- agħmel li naqdu lill-ġisem ta’ Kristu f’ħutna, il-membri tiegħu.

  Mulej, żommna fil-ħajja ġusta tiegħek.

Int fdajt id-dinja f’idejn il-bnedmin, biex jimlewha u jsaltnu fuqha:

- għallimna nkunu ħabrieka u bieżla fuq din l-art, u nfittxu bla heda l-glorja tiegħek.

  Mulej, żommna fil-ħajja ġusta tiegħek.

Missier tagħna lkoll, ftakar fl-opra kbira ta’ idejk:

- agħmel li lkoll kemm aħna ngħixu ħajja xierqa ta’ bnedmin u naħdmu fis-sliem u b’qalb mistrieħa.

  Mulej, żommna fil-ħajja ġusta tiegħek.

Missierna…..

Talba

O Alla li tista’ kollox, inti fdajt il-misteru tas-salvazzjoni, sakemm kien għadu fil-bidu tiegħu, taħt il-ħarsien fidil ta’ San Ġużepp; agħmel li, bit-talb tiegħu, il-Knisja tiegħek taqdi dejjem dan il-misteru, sa ma jseħħ għal kollox.

B’Ibnek Ġesu Kristu Sidna, li hu Alla u miegħek jgħix u jsaltan flimkien ma’ l-Ispirtu s-Santu, għal dejjem ta’ dejjem. Ammen.

(waqt li nroddu s-Salib ngħidu) --- IL-MULEJ IBERIKNA, IĦARISNA MINN KULL DENI U JWASSALNA GĦALL-ĦAJJA TA' DEJJEM, AMMEN.

-----------------------------------------------------------

L-ewwel Qari : 2 Samwel 7:4-5, 12-14, 16
Salm Responsorjali : -- In-nisel tiegħu jibqa' għal dejjem
Salm 88: 2-5, 27, 29 
It-tieni Qari : mill-Ittra ta' San Pawl Appostlu lir-Rumani 4:13, 16-18, 22
L-Evanġelju : San Mattew 1:16, 18-21, 24a 
              jew : San Luqa 2:41-51

 March 19 -- Mt 1:16, 18-21, 24a -- St Joseph's Feast - Festa ta' San Guzepp -- 19 ta' Marzu

 

 

 

March 19 -- Lk 2:41-51-- Feast of St Joseph - Festa ta' San Ġużepp -- 19 ta' Marzu

.

IS-SEJĦA GĦAT-TIFĦIR LIL ALLA

meħudin mill-ktieb 'IT-TALBA TAN-NISRANI'

IS-SEJĦA GĦAT-TIFĦIR LIL ALLA

V. Mulej iftaħli xufftejja

R. U fommi jxandar it-tifħir tiegħek

Glorja lill-Missier, u lil Iben u lil Ispirtu s-Santu, kif kien mill-bidu, issa u dejjem, u jibqa’ għal dejjem ta’ dejjem, Ammen.

(Fi żmien il-Għid, fl-aħħar ta' l-antifona, fejn m'hemmx diġa, tiżdied, Alleluja)

Ant: (tal-jum)

Salm 94 (95)

Ejjew, ħa nfaħħru bl-hena l-Mulej,

   ħa ngħajtu bil-ferħ lill-blata tas-salvazzjoni tagħna!

Nersqu quddiemu b’għana ta’ radd il-ħajr,

   ngħannulu b’għajjat ta’ ferħ.  Ant:

Għax Alla kbir hu l-Mulej,

   sultan kbir fuq l-allat kollha.

F'idejh huma qigħan l-art,

   tiegħu huma l-qċaċet ta’ l-għoljiet.

Tiegħu l-baħar, għax hu għamlu;

   tiegħu l-art, għax b'idejh saret.  Ant:

Ejjew inqimuh u ninxteħtu quddiemu,

   għarkubbtejna quddiem il-Mulej li ħalaqna!

Għaliex hu Alla tagħna,

   u aħna l-poplu tal-mergħa tiegħu

   u n-nagħaġ tiegħu.  Ant:

Mhux li kontu llum tisimgħu leħnu !

   "La twebbsux qalbkom bħal f'Meribah,

bħal dakinhar f'Massah, fid-deżert,

   meta ġarrbuni u ttantawni missirijietkom,

   għalkemm raw dak li jien għamilt.  Ant:

Għal erbgħin sena domt nistmellu dan in-nisel;

   u jien għedt: Qalbu mħassra dan il-poplu,   

   u triqati ma jagħrfux.

Għalhekk ħlift fl-għadab tiegħi:

   Ma jidħlux fil-mistrieħ tiegħi"  Ant:

Glorja lill-Missier, u lil Iben, u lil Ispirtu s-Santu. Kif kien mill-bidu, issa u dejjem, u jibqa’ ghal dejjem ta’ dejjem. Ammen.  Ant:

L-20 POSTA TAR-RUŻARJU MQADDES - Salve Regina - Litanija - Talba lil San Mikiel Arkanġlu - Barka Sagramentali - Ikun Imbierek Alla (Tifħir Divin)

Il-Misteri tar-Rużarju Mqaddes

Il-Misteri Tal-Ferħ (it-Tnejn u s-Sibt)

1. Meta l-anġlu Gabrijel ħabbar lil sidtna Marija li kellha tkun omm Alla.

2. Meta sidtna Marija marret iżżur lill-qariba tagħha Santa Eliżabetta.

3. Meta sidna Ġesù Kristu twieled fl-għar ta’ Betlehem.

4. Meta sidtna Marija u san Ġużepp ppreżentaw lil Ġesù fit-tempju.

5. Meta sidtna Marija u san Ġużepp tilfu lil Ġesù u, wara tlitt ijiem, sabuh fit-tempju jiddisputa mad-dutturi.

Il-Misteri Tad-Dawl (il-Ħamis)

1. Meta sidna Ġesù Kristu tgħammed fix-xmara Ġordan.

2. Meta sidna Ġesù Kristu wera min hu fit-tieġ ta’ Kana.

3. Meta sidna Ġesù Kristu ħabbar is-saltna ta’ Alla u sejjaħ għall-indiema.

4. Meta sidna Ġesù Kristu tbiddel quddiem l-appostli fuq il-muntanja Tabor.

5. Meta sidna Ġesù Kristu waqqaf l-Ewkaristija, it-tifkira tal-misteru ta’ l-Għid.

Il-Misteri Tal-Tbatija (it-Tlieta u l-Ġimgħa)

1. Meta sidna Ġesù Kristu daħal jitlob fil-ġnien taż-Żebbuġ u għereq għaraq tad-demm.

2. Meta sidna Ġesù Kristu kien marbut mal-kolonna u fflaġellat.

3. Meta sidna Ġesù Kristu kien inkurunat bix-xewk.

4. Meta sidna Ġesù Kristu kien mgħobbi s-salib mingħand Pilatu sal-Kalvarju.

5. Meta sidna Ġesù Kristu kien mislub fuq is-salib u, wara tliet sigħat ta’ agunija, miet.

Il-Misteri Tal-Glorja (l-Erbgħa u l-Ħadd)

1. Meta sidna Ġesù Kristu qam minn bejn l-imwiet.

2. Meta sidna Ġesù Kristu tela’ s-sema.

3. Meta sidna Ġesù Kristu bagħat l-Ispirtu s-Santu fuq l-appostli.

4. Meta sidtna Marija ġiet imtellgħa s-sema bir-ruħ u l-ġisem.

5. Meta sidtna Marija ġiet inkurunata mit-Trinità qaddisa, u mgħollija fuq il-kori kollha ta’ l-anġli.

************

SALVE REĠINA
Sliem għalik, Sultana, omm tal-ħniena, ħajja, ħlewwa u tama tagħna. Sliem għalik, lilek ingħajtu, għaliex aħna, turufnati, ulied Eva. Lilek nitniehdu, aħna li nibku u nolfqu f’dan il-wied tad-dmugħ. Ejja mela, avukata tagħna; dawwar lejna dawk l-għajnejn tiegħek tal-ħniena. urina, wara dan it-turufnament, lil Ġesù frott imbierek tal-ġuf tiegħek, O ħanina, O pija, O ħelwa, Verġni Marija.

************

Salve Regina; skont il-Fehma tal-Papa; Litanija; Talba - San Mikiel Arkanġlu; Barka Sagramentali; Tifħir Divin 

********

https://laikos.org/litanija.htm

is-Sibt 20 ta’ Ġunju 2020, fl-istess jum tal-Festa tal-Qalb bla Tebgħa ta’ Marija.

 

IL-LITANIJA LAWRETANA

 

Mulej, ħniena.     Mulej, ħniena.

Kristu, ħniena.     Kristu, ħniena.

Mulej, ħniena.      Mulej, ħniena.

 

Kristu, ismagħna.     Ħenn għalina.

Kristu, ilqa’ t-talb tagħna.                                  

Missier Etern Alla.

Iben Alla li fdejt id-dinja.

Spirtu Qaddis Alla.

Trinità Qaddisa Alla wieħed.

 

Imqaddsa Marija.     Itlob għalina.

Imqaddsa Omm Alla.

Imqaddsa xebba tax-xbejbiet.

Omm ta’ Kristu.

Omm il-Knisja.

Omm tal-ħniena.

Omm tal-grazzja ta’ Alla.

Omm it-tama.

Omm l-iżjed safja.

Omm l-iżjed nadifa.

Omm u xebba.

Omm bla tebgħa.

Omm li tistħoqq l-imħabba.

Omm tal-għaġeb.

Omm tal-parir it-tajjeb.

Omm ta’ min ħalaqna.

Omm ta’ min salvana.

Xebba kollok għaqal.                                         

Xebba li tistħoqq kull qima.

Xebba li tistħoqq kull foħrija.

Xebba kollok setgħa.

Xebba kollok ħniena.

Xebba dejjem marbuta m’Alla.

Mera tal-qdusija.

Tron tal-għerf.

Bidu tal-ferħ tagħna.

Għamara tal-Ispirtu s-Santu.

Għamara ta’ kull grazzja.

Għamara ta’ kull tjieba.

Warda mistika.

Torri ta’ David.

Torri tal-avorju.

Dar tad-deheb.

Arka tar-Rabta l-ġdida.

Bieb tas-Sema.

Kewkba ta’ filgħodu.

Saħħa tal-morda.

Kenn tal-midinbin.

Faraġ tal-migranti.

Faraġ tal-imnikktin.

Għajnuna tal-Insara.

Sultana tal-Anġli.

Sultana tal-Patrijarki.

Sultana tal-Profeti.

Sultana tal-Appostli.

Sultana tal-Martri.

Sultana tal-Konfessuri.

Sultana tal-Verġni.

Sultana tal-Qaddisin kollha.

Sultana mnissla mingħajr l-ewwel tebgħa.

Sultana mtellgħa s-Sema.

Sultana tar-Rużarju Mqaddes.

Sultana tal-Familja.

Sultana tal-Paċi.

 

Ħaruf ta’ Alla, li tneħħi d-dnubiet tad-dinja:     aħfrilna nitolbuk, Mulej.

Ħaruf ta’ Alla, li tneħħi d-dnubiet tad-dinja:     ismagħna nitolbuk, Mulej.

Ħaruf ta’ Alla, li tneħħi d-dnubiet tad-dinja:     ħenn għalina.

 

V/.   Itlob għalina, Qaddisa Omm Alla.

R/.   Biex ikun jistħoqqilna dak li wegħedna Kristu.

 

Nitolbu

(fi żmien 'O' ta' Matul is-Sena )

Agħti lilna, qaddejja tiegħek, Mulej Alla, nitolbuk, li ngawdu dejjem is-saħħa fir-ruħ u l-ġisem, u bit-talb glorjuż ta’ l-imqaddsa Marija dejjem verġni nkunu meħlusa mid-dwejjaq ta’ issa u ngawdu l-hena ta’ dejjem.  Bi Kristu Sidna.   Ammen.

 

(mill-Avvent sal-Milied)

O Alla, int li ridt li mat-tħabbira ta’ l-anġlu, l-Iben tiegħek isir bniedem fil-ġuf tal-verġni mqaddsa Marija, agħtina, nitolbuk, lilna li nistqarruha omm Alla, li nkunu mgħejjunin mit-talb tagħha.  Bl-istess Kristu Sidna.   Ammen.

 

(mill-Milied sal-Gandlora)

O Alla li bis-saħħa ta’ Marija, verġni u omm, tajtna l-ħlas tal-ħajja ta’ dejjem, agħtina, nitolbuk, li nġarrbu l-qawwa tat-talb tagħha, li biha stajna nilqgħu ’l min tana l-ħajja ta’ dejjem, ibnek Ġesù Kristu Sidna.   Ammen.

 

(fi żmien l-Għid)

O Alla, li, bil-qawmien mill-mewt ta’ ibnek Ġesù Kristu sidna, għoġbok tferraħ id-dinja, agħtina, nitolbuk, li b’ommu l-verġni Marija, niksbu l-ferħ tal-ħajja ta’ dejjem.  Bi Kristu Sidna.   Ammen.

==============

********

==============

https://www.youtube.com/watch?v=dAbA5IxCTXA

Rużarju ma' Fr Hayden

Verżjonijiet riveduti

Tal-Ferħ

Tad-Dawl

Tat-Tbatija

Tal-Glorja



------------------------



    

VIDEO WIEĦED --- 4 RUŻARJI 

 https://www.gloria.tv/media/fmGRGKVXnAE

- Misteri tad-Dawl    @ 16:18
- Misteri tat-Tbatija @ 32:17
- Misteri tal-Glorja   @ 47:42
- Salve Regina,
  Skond il-Fehma tal-Papa,
  ghall-erwieh tal-Purgatorju
  u l-Litanija   @ 1:03:32

------------------------

Rużarju tal-Ferħ
(click on centre of video to start)

Rużarju tad-Dawl

(click on centre of video to start)

Rużarju tat-Tbatija

(click on centre of video to start)

Rużarju tal-Glorja

(click on centre of video to start)

Preghiera alla Madre del Divino Amore - Papa San Gwanni Paolo II --- Saint John Paul II, Pope.

 



http://www.donbosco-torino.it/ita/Maria/santuari/10-12/01-Santuario-Divino-Amore.html

Salve o Madre, Regina del mondo, Tu sei la Madre del bell'Amor. Tu sei la Madre di Gesù, fonte di ogni grazia, il profumo di ogni virtù, lo specchio di ogni purezza. Tu sei gioia nel pianto, vittoria nella battaglia, spe­ranza nella morte. Quale dolce sapore il tuo nome nella nostra bocca, quale soave armonia nelle nostre orecchie, quale ebbrezza nel nostro cuore! Tu sei la felicità dei sofferenti la corona dei martiri, la bellezza delle vergini. Ti supplichiamo guidaci dopo questo esilio al possesso del tuo Figlio Gesù. Amen.

(Preghiera alla Madre del Divino Amore di Sua Santità Giovanni Paolo II - 1 maggio 1979 - Santuario del Divino Amore - Roma)

Salve  Regina (in Maltese language)

Sliem għalik Sultana, Omm tal-ħniena, ħajja, ħlewwa u tama tagħna, sliem għalik lilek ingħajtu għaliex aħna tturufnati ulied Eva, lilek nitniehdu aħna u nibku u nolfqu f’dan il-wied tad-dmugh. Ejja mela avukata tagħna, dawwar lejna dawk l-għajnejn tiegħek tal-ħniena, urina wara dan it-turufnament, lil Ġesu`, frott imbierek tal-ġuf tiegħek. O ħanina, O pija, O ħelwa Verġni Marija

.