Thursday, November 21, 2013
Wednesday, November 20, 2013
November 21 - The Feast of the Presentation of the Blessed Virgin Mary --- Mary is Greater than the Church --- & --- Mt 12:46-50 - Who IS my Mother ?
O God, Who didst will that on this day
the blessed ever Virgin Mary,
the dwelling-place of the Holy Ghost,
should be presented in the temple:
grant, we beseech Thee,
that through her intercession,
we may be made worthy to be presented in the temple of Thy glory.
Through our Lord Jesus Christ, Thy Son,
Who liveth and reigneth with Thee
in the unity of the Holy Ghost, one God,
world without end.
Amen.
Il-Preżentazzjoni tal-Verġni Mqaddsa Marija - 21 ta' Novembru
.
Readings:
1st: zec 2:14-17
Resp: luk 1:46-55
Gsp: mat 12:46-50
https://www.youtube.com/watch?v=8uRMadb9khs
NOVEMBER 21 - The Presentation of the Blessed Virgin Mary
Evanġelju
Medd idu lejn id-dixxipli tiegħu u qal:"Dawn, araw, huma ommi u ħuti!"
--- My mother and my brothers are anyone who does the will of my Father in heaven ---
Qari mill-Evanġelju skont San Mattew
F'dak iż-żmien, [Mt:12:46] Kif Ġesù kien għadu qiegħed ikellem lin-nies,
ġew ommu u ħutu, waqfu barra u fittxew li jkellmuh. [Mt:12:47] Xi ħadd
qallu: "Ara, ommok u ħutek qegħdin barra jfittxu li jkellmuk
."[Mt:12:48] Iżda hu wieġeb lil dak li kellmu, u qallu: "Min hi ommi? U
min huma ħuti?"
[Mt:12:49] Mbagħad medd idu lejn id-dixxipli tiegħu u qal: "Dawn, araw,
huma ommi u ħuti. [Mt:12:50] Għax kull min jagħmel ir-rieda ta' Missieri
li hu fis-smewwiet, dak huwa ħija, u oħti, u ommi."
Il-Kelma tal-Mulej
R/. Tifħir lilek Kristu
================
Quddiesa u Rużarju mill-Kurja tal-Arċisqof - 21 ta' Novembru
21 ta’ Novembru
Il-Preżentazzjoni tal-Verġni Marija
Tifkira Obbligatorja
Qari I
Żak 2, 14-17
Qari mill-Ktieb tal-Profeta Żakkarija
Għajjat bil-ferħ u nfexx fil-hena, bint Sijon, għaliex arani ġej biex ngħammar f’nofsok din kelma tal-Mulej, u kotra kbira ta’ ġnus jingħaqdu dakinhar mal-Mulej; u huma jkunu l-poplu tiegħi. U jiena ngħammar f’nofsok; imbagħad inti tagħraf li l-Mulej tal-eżerċti bagħatni għandek.
U l-Mulej jieħu lil Ġuda bħala sehmu mill-wirt fl-art imqaddsa, u jerġa’ jaħtar ’il Ġerusalemm. Żommu s-skiet quddiem il-Mulej, intom il-ħajjin kollha, għax hu stenbaħ mill-għamara mqaddsa tiegħu!
Il-Kelma tal-Mulej.
R/. Irroddu ħajr lil Alla.
Salm Responsorjali
Lq 1:46-55
R/. Hienja int, Verġni Marija, li ġibt fid-dinja ’l Bin il-Missier etern!
Ruħi tfaħħar il-kobor tal-Mulej,
u l-ispirtu tiegħi jifraħ f’Alla s-salvatur tiegħi,
għax hu xeħet għajnejh fuq iċ-ċokon tal-qaddejja tiegħu.
Iva, minn issa ’l quddiem kull nisel jibda jsejjaħli hienja. R/.
Għax is-Setgħani għamel miegħi ħwejjeġ kbar;
qaddis hu l-isem tiegħu.
Il-ħniena tiegħu tinfirex f’kull żmien
fuq dawk li jibżgħu minnu. R/.
Hu wera l-qawwa ta’ driegħu,
xerred ’il dawk li huma mkabbra f’qalbhom.
Niżżel is-setgħana minn fuq it-tron tagħhom,
u għolla ċ-ċkejknin.
Mela b’kull ġid ’il min hu bil-ġuħ,
u l-għonja bagħathom ’il barra b’xejn. R/.
Ħa ħsieb Israel qaddej tiegħu,
għax ftakar fil-ħniena tiegħu
bħalma wiegħed ’il missirijietna
b’risq Abraham u nislu għal dejjem. R/.
Akklamazzjoni qabel l-Evanġelju
Lq 1: 28
R/. Hallelujah.
Hienja dawk li jisimgħu l-kelma ta’ Alla u jħarsuha.
R/. Hallelujah.
Evanġelju
Mt 12: 46-50
Qari mill-Evanġelju skont San Mattew
F’dak iż-żmien: Kif Ġesù kien qiegħed ikellem lin-nies, ġew ommu u ħutu, waqfu barra u fittxew li jkellmuh. Xi ħadd qallu: “Ara, ommok u ħutek qegħdin barra ifittxu li jkellmuk.” Iżda hu wieġeb lil dak li kellmu, u qallu: “Min hi ommi? U min huma ħuti?” Imbagħad medd idu lejn id-dixxipli tiegħu u qal: “Dawn, ara, huma ommi u ħuti. Għax kull min jagħmel ir-rieda ta’ Missieri li hu fis-smewwiet, dak huwa ħija, u oħti, u ommi.”
Il-Kelma tal-Mulej.
R/. Tifħir lilek Kristu.
.
Subscribe to:
Posts (Atom)