Lk 19:28-40 -- Jesus Comes to Jerusalem as King - Id-daħla messjanika f'Ġerusalemm

 

PALM SUNDAY ((This gospel is read at the procession with palms before Mass))

 

Id-daħla messjanika f'Ġerusalemm
(Mt 21, 1-11 ; Mk 11, 1-11, Ġw 12, 12-16)
[Lq:19:28] Kif qal dan, Ġesù qabad it-triq u beda tiela' lejn Ġerusalemm, miexi quddiem l-oħrajn. [Lq:19:29] U meta wasal qrib Bѐtfaġe u Betanja, ħdejn l-għolja li jgħidulha taż-Żebbuġ, bagħat tnejn mid-dixxipli tiegħu [Lq:19:30] u qalilhom: "Morru fir-raħal ta' biswitna; kif taslu, ssibu felu marbut li ħadd qatt għadu ma rikeb fuqu. Ħolluh u ġibuh. [Lq:19:31] Jekk xi ħadd jistaqsikom għalfejn qegħdin tħolluh, għidulu li l-Mulej għandu bżonnu." [Lq:19:32] Dawk li kienu mibgħuta marru u sabu kollox kif kien qalilhom. [Lq:19:33] Huma u jħollu l-felu, is-sidien tiegħu qalulhom: "Għalfejn qegħdin tħolluh il-felu?" [Lq:19:34] U huma wieġbu: "Għax il-Mulej jeħtieġu."
 [Lq:19:35] Mbagħad ġiebu l-felu lil Ġesù, qiegħdu l-imnatar tagħhom fuq il-felu, u rikkbu lil Ġesù fuqu. [Lq:19:36] Huwa u għaddej, firxu l-imnatar tagħhom fit-triq. [Lq:19:37] Xħin imbagħad kien qorob lejn in-niżla ta' l-Għolja taż- Żebbuġ, il-kotra kollha tad-dixxipli bdiet tfaħħar lil Alla b'għajat ta' ferħ u b'leħen għoli għall-għeġubijiet kollha li kienu raw, [Lq:19:38] u bdew jgħidu:
     " Mbierek is-Sultan
     li ġej f'isem il-Mulej!
     Sliem fis-sema,
     u glorja fl-ogħla tas-smewwiet!"
[Lq:19:39] Xi wħud mill-Fariżej li kienu qalb il-folla qalulu: "Mgħallem, ċanfarhom lid-dixxipli tiegħek!" [Lq:19:40] Iżda hu weġibhom u qal: "Ngħidilkom li, jekk jisktu huma, jgħajjat il-ġebel."




.

Moment of Grace ! - two Popes at the same time, praying for us

 

Let us pray for them. God bless them. Amen.

Thursday of 5th wk of Lent - Jn 8:51-59 -- Jesus' Claims About Himself -..."min iħares il-kelma tiegħi ma jara qatt il-mewt."

Jn 8:51-59 -- Jesus' Claims About Himself -..."min iħares il-kelma tiegħi ma jara qatt il-mewt."

THE GOSPEL ON THURSDAY OF WEEK 5 OF LENT

 

[Ġw:8:51] Tassew tassew ngħidilkom li min iħares  il-kelma tiegħi ma jara qatt il-mewt." [Ġw:8:52] Qalulu l-Lhud: "Issa tassew nafu li għandek Xitan fik. Abraham miet, u l-profeti wkoll; u inti tgħid li 'Jekk xi ħadd iħares kelmti ma jduq qatt il-mewt.' [Ġw:8:53] Jaqaw int akbar minn missierna Abraham li miet? U l-profeti wkoll mietu. Inti x'taħseb li int?" [Ġw:8:54] Wieġeb Ġesù: "Li kieku kelli nagħti glorja lili nnifsi, il-glorja tiegħi ma kienet tkun tiswa xejn. Imma dak li lili qiegħed jagħtini l-glorja huwa l-Missier, dak li intom tgħidu li hu Alla tagħkom, [Ġw:8:55] u madankollu ma għaraftuhx. Imma jiena nafu, u kieku kelli ngħid li ma nafux, kont inkun giddieb bħalkom. U mhux biss nafu, imma wkoll inħares il-kelma tiegħu. [Ġw:8:56] Missierkom Abraham qabeż bil-ferħ għall-ħsieb li kien se jara l-jum tiegħi, u rah u feraħ." [Ġw:8:57] Qalulu l-Lhud: "Għadek anqas għalaqt il-ħamsin u rajt lil Abraham?" [Ġw:8:58] Qalilhom Ġesù: "Tassew tassew ngħidilkom, qabel ma kien Abraham, jiena hu." [Ġw:8:59] Għalhekk il-Lhud qabdu l-ġebel biex iwaddbuhulu; imma Ġesù nħbielhom u ħareġ mit-tempju.





.

Is-Sejħa ta' Sbieħ il-Jum - SALMI INVITATORJI = Salm 94(95), Salm 99(100), Salm 66(67), jew Salm 23(24)

Is-Sejħa ta' Sbieħ il-Jum - SALMI INVITATORJI = Salm 94(95), Salm 99(100), Salm 66(67), or Salm 23(24)


V/. Mulej, iftaħli xofftejja.

R/. U Fommi jxandar it-tifħir tiegħek.

      Glorja…….

 L-antifona tigi mtennija fejn hemm: Ant.  

 
(Fi żmien il-Għid, fl-aħħar ta' l-antifona, fejn m'hemmx diġa, tiżdied, Alleluja)

Salm 94(95)

Ejjew, ħa nfaħħru bl-hena l-Mulej,

   ħa ngħajtu bil-ferħ lill-blata tas-salvazzjoni tagħna!

Nersqu quddiemu b’għana ta’ radd il-ħajr,

   ngħannulu b’għajjat ta’ ferħ.  Ant:

Għax Alla kbir hu l-Mulej,

   sultan kbir fuq l-allat kollha.

F'idejh huma qigħan l-art,

   tiegħu huma l-qċaċet ta’ l-għoljiet.

Tiegħu l-baħar, għax hu għamlu;

   tiegħu l-art, għax b'idejh saret.  Ant:

Ejjew inqimuh u ninxteħtu quddiemu,

   għarkubbtejna quddiem il-Mulej li ħalaqna!

Għaliex hu Alla tagħna,

   u aħna l-poplu tal-mergħa tiegħu

      u n-nagħaġ tiegħu.  Ant:

Mhux li kontu llum tisimgħu leħnu !

   "La twebbsux qalbkom bħal f'Meribah,

bħal dakinhar f'Massah, fid-deżert,

   meta ġarrbuni u ttantawni missirijietkom,

   għalkemm raw dak li jien għamilt. Ant:

Għal erbgħin sena domt nistmellu dan in-nisel;

   u jien għedt: Qalbu mħassra dan il-poplu,   

   u triqati ma jagħrfux.

Għalhekk ħlift fl-għadab tiegħi:

   Ma jidħlux fil-mistrieħ tiegħi?"  Ant:

Glorja lill-Missier, u lil Iben, u lil Ispirtu s-Santu. Kif kien mill-bidu, issa u dejjem, u jibqa’ għal dejjem ta’ dejjem. Ammen. Ant:

 <>< <>< <><

Salm 99(100)

<>< <>< <><

Salm 66(67)

<>< <>< <><

Salm 23(24)


V. Mulej iftaħli xufftejja

R. U fommi jxandar it-tifħir tiegħek

Ant: ...[tingħad tal-ġurnata]

Salm 23 (24)

Tal-Mulej hi l-art u kull ma fiha, *

id-dinja u kull ma jgħix fiha.

Għax hu fuq l-ibħra waqqafha, *

u fuq ix-xmajjar fis-sod qiegħdha. Ant:

Min jista’ jitla’ fuq l-għolja tal-Mulej, *

min joqgħod fil-post imqaddes tiegħu?

Min għandu jdejh indaf u qalbu safja, †

min ma jagħtix ruħu għall-frugħa, *

u anqas ma jaħlef bil-qerq. Ant:

Dan ikollu barka mingħand il-Mulej, *

u ħlas li ħaqqu minn Alla, is-Salvatur tiegħu.

Dan hu n-nisel ta’ dawk li jfittxuh; *

li jfittxu ‘l wiċċek, Alla ta’ Ġakobb. Ant:

Intrefgħu, bibien, infetħu, intom bibien ta’ dejjem, *

ħalli jidħol is-Sultan tal-glorja!

Min hu dan is-Sultan tal-glorja? *

Hu l-Mulej setgħan u qawwi,

il-Mulej qawwi fit-taqbida. Ant:

Intrefgħu, bibien, infetħu, intom bibien ta’ dejjem, *

ħalli jidħol is-Sultan tal-glorja!

Min hu dan is-Sultan tal-glorja? *

Hu l-Mulej ta’ l-eżerċti:

dan hu s-Sultan tal-glorja! Ant: