MAY THE LOVE OF JESUS CHRIST, BE ALWAYS IN OUR HEART TO KEEP US HUMBLE, GRATEFUL, MERCIFUL, FORGIVING --- O GOD, BLESS ALL THAT IS COMING FROM YOU AND BREAK ALL THAT IS NOT COMING FROM YOU, AMEN --- This site is just a drop from the immeasurable ocean in JESUS, THE IMAGE OF THE INVISIBLE GOD, HOLY TRINITY ONE GOD - HE IS THE WAY, THE TRUTH, THE LIFE - TEACHER, HEALER, REDEEMER --- The main purpose of this site is to make an easier access to Catholic Religion-related links.
Celebrating his morning Mass, January 21, Pope Francis said that some people believe themselves to be good Catholics but don’t even act like good Christians as indicated by the Beatitudes. The Christian style is that of the Beatitudes that St. Mark in the day’s Gospel describes as "new wine in new bottles".
By Robin Gomes
The Gospel, the Word of the Lord, is the "new wine" that has been gifted us, but to be good Christians we need a "new behaviour", a "new style" that is truly the "Christian style", and this style is indicated by the Beatitudes. This is the meaning of the " key word " that concludes today’s reading from the Gospel of Mark: "New wine in new wineskins". Pope Francis made this the theme of his homily at Mass, Monday morning, at the Vatican’s Casa Santa Marta.
Accusing others
According to the Pope, we can learn about the Christian style by first knowing our attitudes that don’t belong to the Christian style. In this regard, he points to 3 of them: the "accusatory style", the "worldly style" and the "selfish style":
The Pope says that the accusatory style belongs to those who always try and live by accusing others, disqualifying others, acting as absent promoters of justice. But they don't realize that it's the style of the devil: in the Bible, the devil is called the "great accuser", who is always accusing others.
This was the same in the time of Jesus who in a few cases reproached the accusers: "Instead of looking at the speck in the eyes of others, look at the beam in yours"; or again: "Those who have not sinned can throw the first stone". Living by accusing others and looking for defects, the Pope says, is not "Christian", not new wineskin.
Worldliness
Speaking about worldliness, Pope Francis calls it an attitude of Catholics who can "recite the Creed", but live on "vanity, pride and attachment to money", believing themselves to be self-sufficient.
The Pope says that the Lord has offered you the new wine but you did not change the wineskin, you did not change yourself. This worldliness is what ruins so many who are good but they enter into this spirit of vanity, of pride, of being seen... Humility that is part of the Christian style, like that of Our Lady and St. Joseph, is lacking, the Pope says.
Selfishness, indifference
Commenting on the third un-Christian style, the Pope says it is the selfish spirit, the spirit of indifference that is common in our communities. One believes oneself to be a good Catholic but doesn’t worry about the problems of others – wars, illnesses and the suffering of our neighbours. This, the Pope says, is the hypocrisy that Jesus reproached the doctors of the law for. What then is the Christian style?
According to the Pope, the Christian style is that of the Beatitudes: meekness, humility, patience in suffering, love for justice, ability to endure persecution, not judging others... If a Catholic wants to learn the Christian style, so as not to fall into this accusatory style, the worldly style and the selfish style, he/ she must read the Beatitudes. They are the wineskins, the path we must take. To be a good Christian one must have the ability not only to recite the Creed with the heart but also the Our Father with the heart.
It-Tnejn, 21 ta’ Jannar 2019: Nistgħu naħsbu li aħna kattoliċi tajbin imma ma nġibux ruħna ta’ nsara tajbin. Il-veru stil tan-nisrani hu dak li nsibu fil-Beatitudnijiet. Illum it-Tnejn 21 ta’ Jannar il-Papa għamel dir-riflessjoni waqt il-quddiesa fil-kappella tad-Dar Santa Marta.
Il-Vanġelu, il-Kelma tal-Mulej hija l-veru nbid ġdid, qal Franġisku fl-omelija li għamel dwar il-Vanġelu meħud minn San Mark. Inbid li nagħatalna imma biex inkunu nsara tajbin jeħtieġ li jkollna mġieba ġdida, stil ġdid, l-istil tan-nisrani li l-Beatitudnijiet biss jafu juruhulna.
Din hi t-tifsira tal-kelma li tagħlaq il-Vanġelu skont San Mark: inbid ġdid b’damiġjani ġodda. Biex nifhmu sewwa liema hu l-istil tan-nisrani, issokta l-Papa Franġisku, aħjar nirriflettu ftit biex naraw liema huma l-atteġġjamenti tagħna li mhumiex skont l-istil nisrani. Dawn huma: l-istil akkużatorju, l-istil tal-mondanità u l-istil egoistiku.
L-istil akkużatorju hu l-istil ta’ dawk li jemmnu iżda li dejjem lesti biex jakkużaw lill-oħrajn, jgħejxu jakkużaw lil ħaddieħor. Moħħhom biex jiġġudikaw min hu tajjeb u min mhux. Huwa stil, osserva l-Papa, ta’ promoturi tal-ġustizzja falluti li ma jindunawx li dak hu l-istil tax-xitan. Il-Bibbja tiddeskrivi lix-xitan bħala “l-akkużatur il-kbir”, li dejjem jakkuża lil ħaddieħor.
Fostna din hi moda, osserva l-Papa, kif kienet ukoll fi żmien Ġesù li bosta drabi ċanfar lill-akkużaturi: Minflok tara t-tibna f’għajn ħuk, l-ewwel ara t-travu li għandek f’għajnejk. Jew inkella meta qal: Min hu bla ħtija jitfa’ l-ewwel ġebla. Ifisser li min jgħejx jakkuża lill-oħrajn mhux nisrani tajjeb, mhuwiex damiġjana ġdida, tenna l-Papa.
L-istess ngħidu għall-istil mondan, tad-dinja, karatteristika ta’ dawk il-kattoliċi li jirreċitaw il-Kredu imma jgħejxu bil-vanità, bis-suppervja, marbutin mal-flus, jaħsbu li waħedhom jaslu. Il-Mulej offrielhom inbid ġdid imma huma ma biddlux id-damiġjana. Il-mondanità tirvina lil ħafna nies, nies twajba li jidħlu f’din ix-xibka ta’ vanità, tas-suppervja, li dejjem iridu jidhru. M’hemmx umiltà u l-umiltà hi parti mill-istil nisrani. Jeħtieġ nitgħallmu minn Ġesù, mill-Madonna, minn San Ġużepp, li kienu umli.
Hemm stil ieħor li jidher fil-komunitajiet tagħna li mhux stil nisrani; hu l-ispirtu egoistiku, l-ispirtu tal-indifferenza. Naħseb li jien kattoliku tajjeb, nagħmel l-affarijiet tiegħi u ma jimpurtanix mill-problemi tal-ieħor: il-gwerer, il-mard, min hu batut, il-proxxmu, ma nagħtix kashom. Hija l-ipokrisija li Ġesù kien jakkuża biha lid-dutturi tal-Liġi.
Allura liema hu l-istil nisrani awtentiku?, staqsa l-Papa. L-istil nisrani hu dak tal-Beatitudnijiet: manswetudni, umiltà, paċenzja waqt it-tbatija, imħabba għall-ġustizzja, ħila li ssofri l-persekuzzjonijiet, ma tiġġudikax lil ħaddieħor. Dak hu l-ispirtu nisrani, l-istil nisrani. Jekk trid taf kif inhu l-istil nisrani biex ma takkużax, ma tkunx tad-dinja, ma tkunx egoist, aqra l-Beatitudnijiet.
Dan hu l-istil tagħna. Il-Beatitudnijiet huma d-damiġjani l-ġodda, huma t-triq. Biex inkunu nsara tajbin jeħtieġ li jkollna ħila nirreċitaw il-Kredu bil-qalb, imma li nirreċitaw ukoll bil-qalb, it-talba tal-Missierna.
The inauguration and blessing of the first Via Lucis in Malta
Dawl għall-istorja tal-bniedem
Omelija mill-Isqof Awżiljarju Mons. Joseph Galea Curmi fil-Quddiesa tal-inawgurazzjoni u t-tberik tal-Via Lucis
Il-Knisja tal-Immakulata Kunċizzjoni, il-Ħamrun 2 ta' Diċembru 2018
Illum hi ġurnata speċjali u ta’ ferħ għal din il-parroċċa tal-Immakulata Kunċizzjoni fil-Ħamrun bl-inawgurazzjoni tal-Via Lucis. Imma hi wkoll okkażjoni ta’ ferħ għall-Knisja f’Malta. Filwaqt li l-knejjes tista’ tgħid kollha għandhom il-Via Crucis, l-istazzjonijiet li jsegwu l-passjoni u l-mewt ta’ Ġesù, din hi l-ewwel knisja f’Malta li qed tinawgura l-Via Lucis – l-14-il stazzjon li jirrakkuntaw l-istorja ta’ Ġesù Kristu ħaj minn wara l-qawmien tiegħu sal-Għid il-Ħamsin.
Il-Via Lucis għandha storja riċenti. Kien 30 sena ilu, fl-1988, li fi ħdan il-grupp ‘Xhieda tal-Irxoxt’ (Testimoni del Risorto), imwaqqaf minn Padre Sabino Palumbieri, Salesjan, nibtet l-idea ta’ sensiela ta’ stazzjonijiet marbuta mhux mal-mewt ta’ Ġesù, bħalma hi l-Via Crucis, imma mal-qawmien tiegħu u l-ġrajjiet li seħħew wara. Riedu li jkun enfasizzat b’mod aqwa dak li hu pożittiv u ta’ tama fil-ġrajja ta’ Kristu. B’hekk dawk kollha li jemmnu ma jiqfux biss mat-tbatija tal-passjoni li għadda minnha Ġesù, imma jkomplu għaddejjin għall-glorja li fil-fatt tagħti s-sens lit-triq tas-Salib. Ġesù fdiena bil-passjoni u l-mewt imma wkoll bil-qawmien tiegħu.
Issejħet għalhekk it-triq tad-dawl, għax turi l-mixja li teħodna mis-salib għad-dawl. Hi mixja li tagħti dawl lil ħajjitna għax turina li aħna wkoll imsejħin biex mit-tbatija, li hi parti integrali mill-ħajja, ngħaddu għall-milja tal-ferħ u l-paċi fi Kristu.
Nixtieq nagħmel dawn it-tliet punti qosra marbuta ma’ din l-okkażjoni sabiħa tal-lum.
Id-dawl tal-ġnus hu Ġesù Kristu ħaj
Il-Konċilju Vatikan II jfakkarna li Ġesù Kristu hu d-dawl tal-ġnus. Il-Knisja m’hijiex hi d-dawl, hi msejħa biex tirrifletti dan id-dawl li ġej minnu. Hu Ġesù rebbieħ fuq il-mewt li jagħti t-tifsira vera lill-istorja tal-umanità. Il-mewt m’hijiex l-aħħar kelma, id-dnub li wassal għall-passjoni u l-qtil ta’ Ġesù m’huwiex l-aħħar kelma. Ġesù rebaħ il-mewt u d-dnub darba għal dejjem. Għalhekk nistgħu nqiegħdu l-fiduċja tagħna f’Ġesù Kristu li hu d-dawl tal-ġnus.
Minn Ġesù nirċievu d-dawl li neħtieġu f’ħajjitna
Aħna wlied id-dawl. Minn Ġesù nirċievu d-dawl li neħtieġu għal ħajjitna. Ir-rebħa ta’ Ġesù fuq il-mewt hi wkoll ir-rebħa tagħna. Meta bagħtilna l-Ispirtu tiegħu fina, tana l-aqwa rigal għal ħajjitna. L-Ispirtu jgħinna biex nagħrfu kif il-kelma ta’ Ġesù tkun dawl għal ħajjitna, kif tgħinna nimxu fit-triq it-tajba, it-triq rebbieħa.
Hu għalhekk li l-Papa Franġisku jkellimna fuq il-ferħ tal-Evanġelju u fuq kemm hu importanti li aħna jkollna l-ferħ u l-paċi f’qalbna li jagħtina Ġesù rebbieħ, u li jibqgħu fina wkoll fil-mumenti ibsin tal-ħajja. Nistgħu ngħixu bil-ferħ għax aħna wlied id-dawl.
Nitolbu lill-Mulej biex imexxina dejjem fit-triq tad-dawl.
Inkunu dawl għall-oħrajn fil-mixja tagħhom fil-ħajja
Aħna lkoll imsejħin biex inkunu dawl għall-oħrajn fil-mixja tagħhom fil-ħajja. Din hi s-sejħa lilna li aħna dixxipli ta’ Ġesù.
Ukoll f’ambjent li hu mdallam mill-ħażen, ftit dawl jagħmel id-differenza kollha. Hu d-dawl tat-tama li tant hu meħtieġ illum. Kultant jista’ jiġrilna li aħna stess nittieħdu mill-ambjent ta’ madwarna, inwasslu aħbarijiet ħżiena flok l-aħbar it-tajba, niffokaw fuq dak li hu negattiv flok dak li jagħti t-tama, inxerrdu l-isfiduċja u l-qtigħ ta’ qalb flok l-inkoraġġiment li jiġi mill-fidi tagħna fi Kristu ħaj. Kif jgħid Papa Franġisku, inġibu ruħna qisna nies mirbuħa jew telliefa.
Imma kif smajna fl-Evanġelju, f’sitwazzjoni ta’ biża’ u ta’ qtigħ il-qalb deskritta minn Ġesù, hu jgħidilna: “Meta jibda jseħħ dan kollu, qawwu qalbkom u erfgħu raskom, għax il-fidwa tagħkom hi fil-qrib.” Ġesù ma jridniex mirbuħa imma rebbieħa.
Aħna msejħin biex inkunu dawl għall-oħrajn ħa nwassluhom għand Ġesù Kristu ħaj u rebbieħ, is-Salvatur tal-bnedmin kollha. Din hi l-enerġija pożittiva li għandha toħroġ minna li nemmnu fih.
It-triq tad-dawl
Nirringrazzja lil din il-parroċċa; lill-kappillan, is-saċerdoti, diversi lajċi li ħadmu biex il-parroċċa jkollha din l-inizjattiva sabiħa. Nixtieqha tkun eżempju għall-komunitajiet tagħna biex dejjem ngħinu lin-nies ħa niltaqgħu ma’ Ġesù Kristu Rxoxt, id-dawl tal-ġnus, u minnu nirċievu d-dawl għal ħajjitna ħalli nkunu nistgħu nwasslu dan id-dawl lill-oħrajn kull jum tal-ħajja tagħna.
Il-Via Lucis żviluppat
dan l-aħħar bħala tkomplija naturali tal-Via Crucis, u bħalha
fiha erbatax il-waqfa, li jitilqu mill-qabar vojt, l-ewwel xhieda tal-Għid,
sal-Pentekoste, l-aqwa frott tiegħu.
Il- Via Crucis, it-Triq
tas-salib, kienet devozzjoni popolari li kibret matul it-tieni millennju
tal-Kristjaneżmu. Kienet tintalab l-biċċa l-kbira nhar ta’ Ġimgħa matul l-Erbgħin
Jum tar-Randan, fil-jiem l-oħra tal-Ġimgħa Mqaddsa (mgħarufa bħala “L-Ġimgħa
l-Kbir” fost il-knejjes tal-Lvant) u fil-Ġimgħa l-Kbira. Fl-ewwl sekli
tal-Knisja, l-pellegrini kienu jagħmlu vjaġġ penitenzjali lejn Ġerusalemm biex
jimxu u jitolbu l-Istazzjonijiet tas-Salib, magħrufa bħala l- “via dolorosa”
(it-triq tan-niket). F’xi stazzjonijet tas-salib ta’ żmienna, żdied
il-ħmistax il-stazzjon biex ifakkar il-Qawmien tal-Mulej.
Il-Papa Ġwanni Pawlu II, li kien jgħożż
ħafna l-Via Crucis (It-Triq tas-Salib), li timxi wara l-Mulej
sal-mewt tiegħu fuq is-Salib, bħala eżerċizzju spiritwali ta’ kuljum, kien
ukoll ippropona l-Via Lucis (It-Triq tad-Dawl):
l-“Istazzjonijiet” tal-Qawmien.
Il- Via Lucis, it- “Triq
tad-Dawl”, magħrufa wkoll bħala l-Istazzjonijiet tal-Qawmien, kienu misjuba
fil-Katokombi ta’ San Kallistu f’Ruma. Il Via Lucis tixraq b’mod
partikulari għall-Ħadd il-Għid, għall jiem tal-ġimgħa fost l-Ottava tal-Għid
(mgħarufa bħala “Il-Ġimgħa Mdawwla” fost il-Knejjes tal-Lvant), u matul il-Ħamsin
Jum ta’ Żmien il-Għid.
Fil-ktieb Uffiċjali tat-talb, Pilgrims
Prayers, maħruġ mill-Vatikan għall-Ġublew tas-Sena 2000, flimkien mall- Via
Crucis tradizzjonali, kien jinkludi wkoll magħha l- Via Lucis.
Fuq il-mudell jixbaħ lill- Via Crucis u l-erba’ rakkonti tal-passjoni,
l- Via Lucis tirrifletti fuq ir-rakkontt tad-dehriet tal-Mulej
Irxoxt mill-Għid il-Kbir sal-Pentekoste.
Il-Via Lucis turi l-ferħ
tal-Għid: Kristu hu ċ-ċentru tal-ħajja tad-dinja. Permezz tal-eżerċizzju
devot tal-Via Lucis, il-fidili jfakkru l-ġrajja ewlenija tal-fidi
– l-Qawmien ta’ Kristu – u l-qagħda tagħhom ta’ dixxipli li fil-Magħmudija,
s-Sagrament tal-Għid, huma għaddew mid-dlamijiet tad-dnub għad-dawl
tal-grazzja. Matul il-Via Lucis Omm Ġesù tibqa’ tkun ħdejna
u tgħidilna “Għamlu dak li jgħidilkom hu”.
Il-Via Lucis hi prattika
essenzjali biex insiru nafu aħjar lill-Mulej u biex ngħixu l-fidi Nisranija
b’iktar qawwa, għaliex aħna x-xhieda għad-dinja tal-fatt tal-Qawmien ta’
Ġesù. Għalkemm, s’issa, fil-knejjes tagħna għad m’hemmx imwaħħlin
“Stazzjonijiet” tal-Via Lucis biex insegwu, m’hemm xejn li
jżommna milli noħolquhom.
Illum aktar minn qatt qabel jeħtieġ li
l-Għid il-Kbir ma jibqax iżjed festa biss tal-kalendarju iżda jsir l-istil ta’
ħajjitna.
L-Istazzjonijiet tal-Via Lucis
L-Ewwel Stazzjon
Ġesù Jqum Mill-Imwiet
Meta
għadda s-Sibt, maż-żerniq ta' l-ewwel jum tal-ġimgħa, Marija ta' Magdala u
Marija l-oħra marru jaraw il-qabar. U ara, nħasset theżhiża kbira ta’
l-art għax niżel anġlu tal-Mulej mis-sema, u resaq igerbeb il-ġebla u qagħad
bilqiegħda fuqha. Id-dehra tiegħu kienet bħal berqa; lbiesu abjad
bħas-silġ. Bil-biża' tiegħu l-għassiesa qabdithom rogħda u saru qishom
mejtin. Iżda l-anġlu qabad u qal lin-nisa: "Tibżgħu xejn intom
għax jiena naf li qegħdin tfittxu lil Ġesù li kien imsallab. M'huwiex
hawn, għaliex qam, kif kien qal. Ejjew araw il-post fejn kien qiegħed. U
morru malajr għidu lid-dixxipli tiegħu li hu qam mill-imwiet. U araw, huwa
sejjer il-Galilija qabilkom: tarawh hemmhekk. Araw, għedtulkom." (Mattew 28: 1- 7).
It-Tieni Stazzjon
Id-Dixxipli Jsibu il-Qabar Vojt
Kien
il-Ħadd, l-ewwel jum tal-ġimgħa, fil-għodu kmieni kif kien għadu d-dlam, u
Marija ta' Magdala ġiet ħdejn il-qabar u rat il-blata mneħħija
mill-qabar. Għalhekk telqet tiġri għand Xmun Pietru u għand id-dixxiplu
l-ieħor li kien iħobb Ġesù, u qaltilhom: "Qalgħu l-Mulej mill-qabar,
u ma nafux fejn qegħduh!" Pietru u d-dixxiplu l-ieħor ħarġu u ġew
ħdejn il-qabar. It-tnejn ġrew flimkien, imma d-dixxiplu l-ieħor ħaffef
aktar minn Pietru u laħaq qablu ħdejn il-qabar. Tbaxxa, u ra l-faxex ta'
l-għażel imqiegħda hemm, iżda ma daħalx. Imbagħad wasal warajh Xmun
Pietru, daħal fil-qabar, u ra l-faxex ta' l-għażel imqiegħda hemm, u l-maktur
li kien madwar rasu; dan ma kienx mal-faxex, imma mitwi u mqiegħed
għalih. Imbagħad id-dixxiplu l-ieħor, li kien wasal l-ewwel ħdejn
il-qabar, daħal hu wkoll, ra, u emmen. Sa dak in-nhar kienu għadhom ma
fehmux l-Iskrittura li tgħid li kellu jqum mill-imwiet. (Ġwann 20: 1 – 9).
It-Tielet Stazzjon
Il-Mulej Irxuxtat Jidher lil Marija Madalena
Iżda
Marija baqgħet 'il barra mill-qabar, tibki. Kif kienet qiegħda tibki, tbaxxiet
lejn il-qabar, u rat żewġ anġli lebsin l-abjad, bilqiegħda, wieħed in-naħa
tar-ras u l-ieħor in-naħa tar-riġlejn fejn kienu qiegħdu l-ġisem ta'
Ġesù. Huma qalulha: "Mara, għalfejn qiegħda tibki?" Hi
wieġbet: "Għax ħadu lil Sidi, u ma nafux fejn qegħduh." Kif
qalet hekk, daret lura u rat lil Ġesù wieqaf, iżda ma ntebħitx li kien
Ġesù. Ġesù qalilha: "Mara, għalfejn qiegħda tibki? Lil min
qiegħda tfittex?" Hi ħasbet li kien il-ġardinar, u qaltlu:
"Sinjur, jekk ħadtu int minn hawn, għidli fejn qegħedtu, u jiena nġibu
lura." Ġesù sejjħilha: "Marjam!" Hi daret u qaltlu
bil-Lhudi: 'Rabbuni!' jiġifieri, Mgħallem. Ġesù qalilha: "La
tmissnix, għax għadni ma tlajtx għand il-Missier; imma mur għand ħuti u
għidilhom li se nitla' għand Missieri u Missierkom, Alla tiegħi u Alla
tagħkom." Marija ta' Magdala marret għand id-dixxipli u tathom
l-aħbar: "Rajt lill-Mulej", u li qalilha dan. (Ġwann
20: 11 – 18).
Ir-Raba' Stazzjon
Il-Mulej Irxuxtat Jidher lil Żewġ Dixxipli fit-Triq
lejn Emmaus
Dak
in-nhar stess ġara li tnejn minnhom kienu sejrin lejn raħal jismu Għemmaws, xi
sittin stadju bogħod minn Ġerusalemm, jitħaddtu bejniethom fuq kull ma kien
ġara. Huma u jitħaddtu u jistħarrġu bejniethom, Ġesù nnifsu resaq lejhom
u baqa' miexi magħhom. Imma għajnejhom kellhom xi jżommhom u ma setgħux
jagħrfuh. U hu qalilhom: "X'intom tgħidu bejnietkom intom u
miexjin?" U huma waqfu, b'ħarsa ta' niket fuq wiċċhom. Imbagħad
wieħed minnhom, jismu Kleofa, wieġeb u qallu: "Inti waħdek il-barrani
f'Ġerusalemm li ma tafx x'ġara hemmhekk f'dawn il-jiem?"
"X'ġara?" staqsiehom Ġesù. Qalulu: "Dak li ġara lil Ġesù
ta' Nazaret, li kien profeta setgħan fl-għemil u fil-kliem quddiem Alla u
quddiem il-poplu kollu, kif il-qassisin il-kbar u l-kapijiet tagħna tawh
f'idejn il-gvernatur biex ikun ikkundannat għall-mewt u sallbuh. Aħna
konna nittamaw li hu kien dak li kellu jifdi lil Iżrael; iżda issa, fuq kollox
ġa għaddew tlitt ijiem minn dawn il-ġrajja! Issa wkoll xi wħud min-nisa
tagħna ħasduna, għax marru kmieni ħdejn il-qabar u l-katavru tiegħu ma sabuhx;
ġew jgħidu wkoll li dehrulhom xi anġli li qalulhom li hu ħaj. Imbagħad
marru ħdejn il-qabar xi wħud minn tagħna u sabu kollox kif kienu qalu n-nisa,
imma lilu ma rawhx!" Qalilhom Ġesù: "Kemm intom boloh u tqal
biex temmnu kull ma qalu l-profeti! U ma kellux il-Messija jbati dan
kollu u hekk jidħol fil-glorja tiegħu?" U beda minn Mosè u l-Profeti
kollha jfissrilhom kull ma kien hemm fl-Iskrittura fuqu. (Luqa
24: 13 – 27).
Il-Ħames Stazzjon
Il-Mulej Irxuxtat Jintgħaraf fil-Qsim tal-Ħobż
Meta
qorbu lejn ir-raħal fejn kienu sejrin hu għamel ta' birruħu li hu kien se
jibqa' sejjer aktar 'il bogħod. Iżda huma ġegħluh jibqa' magħhom u
qalulu: "Ibqa' magħna, għax issa sar ħafna ħin u l-jum ġa wasal biex
jintemm." Mbagħad daħal biex joqgħod magħhom. U waqt li kien
fuq il-mejda magħhom, qabad il-ħobż, qal il-barka, qasmu u tahulhom.
Imbagħad infetħulhom għajnejhom u għarfuh, iżda hu għab minn quddiemhom.
U wieħed lill-ieħor bdew jgħidu: "Ma kinitx imkebbsa qalbna ġewwa fina
huwa u jkellimna fit-triq u jfissrilna l-Iskrittura?" Dak il-ħin
stess qamu u reġgħu lura Ġerusalemm. Hemm sabu lill-Ħdax u lil sħabhom
miġbura flimkien, u dawn qalulhom: "Il-Mulej qam tassew, u deher lil
Xmun!" U huma wkoll tarrfulhom x'kien ġralhom fit-triq, u kif kienu
għarfuh fil-qsim tal-ħobż. (Luqa 24: 28 –
35).
Is-Sitt Stazzjon
Il-Mulej Irxuxtat Jidher lid-Dixxipli
Kif
kienu għadhom jitkellmu, Ġesù nnifsu waqaf f'nofshom u qalilhom: "Is-sliem
għalikom!" Huma twerwru bil-biża' għax ħasbu li qegħdin jaraw xi
fantażma. Iżda hu qalilhom: "Għaliex tħawwadtu? Għaliex dan
it-tħassib kollu f'qalbkom? Araw idejja u riġlejja. Jiena hu!
Missuni, u ifhmuha li l-ispirtu ma għandux laħam u għadam bħalma qegħdin
taraw li għandi jien." Huwa u jgħidilhom dan, uriehom idejh u
riġlejh. Iżda billi huma, fil-ferħ tagħhom, kienu għadhom ma jridux
jemmnu u baqgħu mistagħġba, qalilhom: "Għandkom xi ħaġa ta' l-ikel hawn?"
Huma ressqulu quddiemu biċċa ħuta mixwija, u hu ħadha u kielha quddiemhom. (Luqa 24: 36 – 43).
Is-Seba' Stazzjon
Il-Mulej Jagħti s-Setgħa li Jinħafru d-Dnubiet
Dak
in-nhar fil-għaxija, l-ewwel jum tal-ġimgħa, meta d-dixxipli kienu flimkien
imbeżżgħa mil-Lhud, bil-bibien magħluqa, ġie Ġesù u qagħad f'nofshom; u
qalilhom: "Is-sliem għalikom!" Kif qal hekk, uriehom idejh u
ġenbu. Id-dixxipli ferħu meta raw lill-Mulej. imbagħad Ġesù
tenna jgħidilhom: "Is-sliem għalikom! Kif il-Missier bagħat lili,
hekk jien nibgħat lilkom." Kif qal hekk, nefaħ fuqhom u qalilhom:
"Ħudu l-Ispirtu s-Santu. Dawk li taħfrulhom dnubiethom ikunu
maħfura, u dawk li żżommuhomlhom ikunu miżmuma." (Ġwann
20: 19 – 23).
It-Tmien Stazzjon
Il-Mulej Iwettaq il-Fidi ta' Tumas
Tumas,
wieħed mit-Tnax, jgħidulu t-Tewmi, ma kienx magħhom meta ġie Ġesù.
Għalhekk id-dixxipli l-oħra qalulu: "Rajna l-Mulej." Iżda hu
qalilhom: "Jekk ma narax f'idejh il-marka ta' l-imsiemer u ma nqigħedx
sebgħi fuq il-marka ta' l-imsiemer u idi fuq ġenbu, jien ma
nemminx." Tmint ijiem wara, id-dixxipli reġgħu kienu ġewwa, u Tumas
magħhom. Il-bibien kienu magħluqa, imma Ġesù daħal, qagħad f'nofshom, u
qalilhom: "Is-sliem għalikom!" Imbagħad qal lil Tumas:
"Ġib sebgħek hawn u ara idejja, u ressaq idek u qegħedha fuq ġenbi; tkunx
bniedem bla fidi, iżda emmen." Wieġeb Tumas u qallu: "Mulej
tiegħi u Alla tiegħi!" Qallu Ġesù: "Emmint għax rajtni!
Henjin dawk li ma rawx u emmnu."
(Ġwann 20: 24 – 29).
Id-Disa' Stazzjon
Il-Mulej Irxuxtat Jiltaqa’ mad-Dixxipli fuq ix-xatt
tal-Għadira ta’ Tiberia
Wara
dan, Ġesù raġa' deher lid-dixxipli ħdejn il-baħar ta' Tiberija. Dehrilhom
hekk: Xmun Pietru, Tumas, li jgħidulu t-Tewmi, Natanjel minn Kana
tal-Galilija, ulied Żebedew u tnejn oħra mid-dixxipli tiegħu kienu flimkien, u
Xmun Pietru qalilhom: "Sejjer nistad." Qalulu: "Ħa niġu
miegħek aħna wkoll." Marru, rikbu d-dgħajsa, u dak il-lejl ma qabdu
xejn. Fil-għodu mas-sebħ, Ġesù kien qiegħed ix-xatt, imma d-dixxipli ma
kinux jafu li kien Ġesù. Ġesù qalilhom: "Għandkom x'tieklu,
ħbieb?" "Le," weġbuh. Qalilhom: "Waddbu x-xibka
n-naħa tal-lemin tad-dgħajsa u ssibu." Dawk waddbu x-xibka, u
mbagħad ma felħux jiġbduha daqs kemm qabdu ħut! Id-dixxiplu li kien iħobb
Ġesù qal lil Pietru: "Il-Mulej dan!" Għalhekk Xmun Pietru, kif
sama' li kien il-Mulej, xeħet fuqu l-libsa ta' fuq, għax kien għoddu għeri, u
ntafa' l-baħar. Id-dixxipli l-oħra, billi ma kinux imbiegħda wisq
mill-art, imma xi mitejn driegħ biss, resqu bid-dgħajsa jkaxkru warajhom
ix-xibka bil-ħut. Kif niżlu l-art, raw li kien hemm xi faħam jaqbad,
bil-ħut fuqu, u xi ftit ħobż. Qalilhom Ġesù: "Ġibu mill-ħutiet
qbadtu issa." Xmun Pietru tela' fid-dgħajsa u ġibed l-art ix-xibka
mimlija b'mija u tlieta u ħamsin ħuta kbira; u minkejja daqshekk ħut, ix-xibka
ma nqasmitx. Qalilhom Ġesù: "Ejjew, kulu." Imma ħadd
mid-dixxipli ma ssogra jistaqsih, 'Int min int?', għax kienu jafu li kien
il-Mulej. Ġesù resaq, qabad il-ħobż u newwilulhom; u hekk ukoll għamel
bil-ħut. (Ġwann 21: 1 – 13).
L-Għaxar Stazzjon
Il-Mulej Irxuxtat Jgħati l-Primat lil Pietru
Wara
li kielu xi ħaġa, Ġesù qal lil Xmun Pietru: "Xmun bin Ġwanni, tħobbni int
aktar minn dawn?" "Iva, Mulej," wieġbu, "int taf li
nħobbok." Qallu: "Irgħa l-ħrief tiegħi." Staqsieh
għat-tieni darba: "Xmun bin Ġwanni, tħobbni int?" "Iva,
Mulej," wieġbu, "int taf li nħobbok." Qallu: "Irgħa
n-nagħaġ tiegħi." Għat-tielet darba staqsieh: "Xmun bin Ġwanni,
tħobbni?" Pietru ħass għafsa ta' qalb għax staqsieh għat-tielet
darba, 'Tħobbni?', u qallu: "Mulej, int taf kollox, inti taf li
nħobbok." Qallu Ġesù: "Irgħa n-nagħaġ tiegħi. (Ġwann 21: 15 – 17).
Il-ħdax-il
dixxiplu telqu lejn il-Galilija u marru fuq il-muntanja fejn kien ordnalhom
Ġesù. Kif rawh, inxteħtu quddiemu, għalkemm xi wħud iddubitaw. Ġesù
resaq ikellimhom u qalilhom: "Lili ngħatat kull setgħa fis-sema u
fl-art. Morru, mela, agħmlu dixxipli mill-ġnus kollha, u għammduhom
fl-isem tal-Missieru ta' l-Iben u ta' l-Ispirtu s-Santu, u għallmuhom iħarsu
dak kollu li ordnajtilkom jien. U ara, jiena magħkom dejjem, sa l-aħħar
taż-żmien." (Mattew 28: 16 – 20).
It-Tnax il-Stazzjon
Il-Mulej Irxuxtat Jitla’ għand il-Missier
Kif
kienu flimkien staqsewh: "Mulej, hu dan iż-żmien li fih int se terġa'
twaqqaf is-Saltna ta' Iżrael?" Hu weġibhom: "M'hix biċċa
tagħkom li tkunu tafu l-waqt u ż-żmien li l-Missier għażel bis-setgħa tiegħu. Imma
meta jiġi fuqkom l-Ispirtu s-Santu, intom tirċievu l-qawwa, u tkunu xhieda tiegħi
f'Ġerusalemm, fil-Lhudija kollha u s-Samarija u sa truf l-art." Wara
li qal dan, huma u jħarsu lejh, kien meħud 'il fuq, u sħaba ħadithulhom minn
quddiem għajnejhom. Waqt li kienu b'għajnejhom fis-sema jħarsu lejh
sejjer, f'daqqa waħda dehru ħdejhom żewġ irġiel libsin l-abjad, u qalulhom:
"Irġiel tal-Galilija, x'intom tħarsu lejn is-sema? Dan Ġesù, li kien
meħud minn magħkom lejn is-sema, għad jerġa' jiġi kif rajtuh sejjer." (Atti 1: 6 – 11).
It-Tlettax
il-Stazzjon
L-Istennija tal-Ispirtu s-Santu ma’ Marija, Omm
Ġesù
Imbagħad
reġgħu lura lejn Ġerusalemm mill-għolja msejjħa taż-Żebbuġ, li hi 'l bogħod
mill-belt daqs il-mixja tas-Sibt. Xħin daħlu l-belt, telgħu
fil-kamra ta' fuq tad-dar fejn kienu joqogħdu. Huma kienu: Pietru u Ġwanni,
Ġakbu u Indrì, Filippu u Tumas, Bartilmew u Mattew, Ġakbu bin Alfew, u Xmun
jgħidulu l-Imħeġġeġ, u Ġuda bin Ġakbu. U lkoll qalb waħda kienu
jitolbu flimkien ma' xi nisa u ma' Marija, omm Ġesù, u ma' ħutu. (Ati 1: 12 – 14).
Meta
wasal jum il-Ħamsin, huma kienu lkoll flimkien f'post wieħed. F'daqqa
waħda ġie mis-sema ħoss bħal ta' riħ qawwi, u mela d-dar kollha fejn kienu
qegħdin. U dehrulhom ilsna qishom tan-nar, li tqassmu u qagħdu fuq kull
wieħed minnhom. Imtlew ilkoll bl-Ispirtu s-Santu u bdew jitkellmu b'ilsna
oħra, skond ma l-Ispirtu kien jagħtihom li jitkellmu. F'Ġerusalemm
kien hemm xi Lhud, nies twajba minn kull nazzjon li hawn taħt is-sema. Malli nstama' dan il-ħoss, inġabret kotra kbira, lkoll imħawwdin għax
kull wieħed minnhom kien jismagħhom jitkellmu bl-ilsien tiegħu: Miblugħin
u mistagħġbin, bdew jgħidu: "Dawn li qegħdin jitkellmu m'humiex ilkoll
mill-Galilija? Mela kif kull wieħed minna qiegħed jismagħhom jitkellmu bi
lsien art twelidu? Partin, Medin u Għelamin, nies mill-Mesopotamja,
mil-Lhudija, mill-Kappadoċja, minn Pontu, mill-Asja, mill-Friġja,
mill-Pamfilja, mill-Eġittu, mill-inħawi tal-Libja madwar Ċirene, nies li ġew
minn Ruma, kemm Lhud u kemm prosèliti, oħrajn minn Kreta u Għarab, aħna lkoll
qegħdin nisimgħuhom ixandru bl-ilsna tagħna l-għeġubijiet ta' Alla!"
U lkoll, mitlufa bl-għaġeb, bdew jgħidu wieħed lill-ieħor: "Dan xi
jkun?" Oħrajn bdew jiddieħku u jgħidu: "Dawn xorbu l-inbid
ġdid!" (Atti 2: 1 – 13).
=========================
=========================
Fil-Via Lucis nfakkru l-ġrajja ewlenija
tal-fidi
Il-paragrafu
153 tad-Direttorju ta’ Devozzjoni Popolari u l-Liturġija(2001)
jgħid: “Eżerċizzju devot imsejjaħ Via Lucis żviluppa u xtered
f’ħafna naħiet f’dawn l-aħħar snin. Fuq il-mudell tal- Via Crucis,
il-fidili jimxu filwaqt li jimmeditaw fuq id-dehriet varji ta’ Ġesù –
mill-Qawmien sal-Axxensjoni. Fiha Ġesù wera l-glorja tiegħu lid-dixxipli
li kienu jistennew il-miġja ta’ l-Ispirtu s-Santu (ara Ġw. 14, 26; 16,13-15;
Lq. 24, 49) qawwa l-fidi tagħhom, wassal għat-tmiem it-tagħlim tiegħu fuq
is-Saltna u ddefinixxa aħjar l-istruttura sagramentali u ġerarkika tal-Knisja.
Permezz
tal-Via Lucis, il-fidili jfakkru l-ġrajja ewlenija tal-fidi, – l-qawmien
ta’ Kristu – u d-dixxipulat tagħhom bis-saħħa tal-Magħmudija, s-sagrament
tal-Għid li bih huma għaddew mid-dlam tad-dnub għad-dija qawwija tad-dawl
tal-grazzja (ara Kol. 1, 13; Ef. 5, 8).
Għal
sekli sħaħ il-Via Crucis daħħal lill-fidili fl-ewwel mumenti tal-ġrajja
tal-Għid, jiġifieri l-Passjoni, u għen biex stampa l-aspetti l-iktar importanti
tagħha fl-għarfien tagħhom. Bl-istess xebħ, il-Via Lucis, meta
tkun iċċelebrata bil-fedeltà għat-test tal-Evanġelju, tista’ twassal lill-fidili
b’mod effettiv biex jifhmu b’mod ħaj it-tieni mument tal-ġrajja tal-Għid,
jiġifieri l-Qawmien tal-Mulej.
Il-Via
Lucis tista’ tkun mod mill-aqwa għat-tagħlim tal-fidi, ladarba “per
crucem ad lucem” (bis-salib naslu għad-dawl). Bil-metafora tal-vjaġġ,
il-Via Lucis tersaq mill-esperjenza tat-tbatija, li fil-pjan ta’ Alla hi
parti mill-ħajja, għat-tama li tasal għall-iskop veru tal-bniedem: il-ħelsien,
il-ferħ u s-sliem li huma valuri essenzjalment tal-Għid.
Il-Via
Lucis tista’ tkun tqanqila għar-restawr tal-“kultura tal-ħajja” li hi
miftuħa għat-tama u ċ-ċertezza li tgħati l-fidi, f’soċjetà sikwit
karatterizzata minn “kultura tal-mewt”, disperazzjoni u nikiliżmu”.
THE RESURRECTION OF CHRIST - Spiritual Consolation of the Soul Be taught by the Venerable Thomas A Kempis, the author of the Imitation of Christ on how to celebrate the Resurrection of Our Lord as one should with devotion and exaltation. The Imitation of Christ by Thomas A Kempis is the largest read devotional book in the world next to the bible, and no book has been translated into more languages.
