http://laikos.org/qaddisin.htm
25 TA’ LULJU
SAN ĠAKBU L-KBIR
Appostlu: L-ewwel Seklu
San Ġakbu, li jiġi ħu San Ġwann l-Appostlu, kien magħruf bħala Ġakbu l-Kbir biex jingħaraf mill-Appostlu Ġakbu l-ieħor li x’aktarx kien iżgħar fl-eta’.
Kien sajjied minn Betsajda, fil-Galilija. Ġurnata waħda, hu u ħuħ Ġwanni kienu qed jistadu flimkien ma missierhom Żebedew meta Ġesù kien għaddej mill-inħawi u sejħilhom biex ikunu dixxipli tiegħu. It-tnejn ħallew lil missierhom, ix-xbiek u kollox, u marru miegħu.
Lil dawn iż-żewġ aħwa, Ġesù tahom l-isem ta’ Boanerges, jiġifieri ”ulied ir-ragħad” (Mk. 3:17) x’aktarx għax kienu fuq tagħhom, bħal meta darba qalu lil Ġesù: ”Mgħallem, irridu li dak li nitolbuk tagħmilhulna” (Mk. 10: 35-41). Darb’oħra meta s-Sammaritani ma laqgħux lil Ġesù, dawn it-tnejn staqsewh: ”Mulej, tridx ngħidu lin-nar jinżel mis-sema u jeqridhom?” (Lq. 9:54).
San Ġakbu kien ma San Pietru u San Ġwann meta Ġesù qajjem lit-tifla ta’ Ġajru mill-mewt; kien magħhom ukoll fit-Trasfigurazzjoni ta’ Ġesù fuq l-għolja Tabor; u wkoll fl-agunija ta’ Ġesù fil-ġnien taż-Żebbuġ.
Tradizzjoni tgħid li wara t-tlugħ tal-Mulej Ġesù fis-sema, San Ġakbu mar Spanja jippriedka l-Vanġelu. F’Compostella hemm knisja famuża ddedikata f’ismu, u hemm jingħatalu ġieħ mill-ikbar.
Kien l-ewwel wieħed fost l-appostli li miet għal Ġesù, bil-qtugħ ir-ras, fil-Palestina, fis-sena 43, fi żmien is-Sultan Agrippa I.
Ħsieb
Mhux minnu li wieħed ikun qaddis irid jitwieled qaddis jew irid ikun mingħajr nuqqasijiet. L-Appostlu San Ġakbu huwa eżempju l-iktar ċar ta’ dan. Kien ta’ karattru li malajr jixgħel; kellu demmu spont. Minkejja dan, meta Ġesù sejjaħlu ħall kollox u mar warajh; inbidel u sar Qaddis.
><> ><> ><>
Quddiesa u Rużarju mill-Kurja tal-Arċisqof - 25 ta' Lulju, 9:30am
(2020 during the coronavirus pandemic)
GOSPEL --- Mt 20:20-28 -- 'Can you drink the cup that I am going to drink?' - 'Il-kalċi tiegħi tixorbuh.'
JULY 25 - Saint James, Apostle. Feast
25 ta’ Lulju - Sant Ġakbu, Appostlu. Festa
Evanġelju
'Il-kalċi tiegħi tixorbuh.'
Mt 20, 20-28
Qari mill-Evanġelju skont San Mattew
F’dak iż-żmien: [Mt:20:20] Resqet fuq Ġesù omm ulied Żebedew flimkien ma' wliedha, u nxteħtet quddiemu titolbu xi ħaġa. [Mt:20:21] "Xi trid?" staqsieha. U hi qaltlu: "Ordna li dawn iż-żewġ uliedi joqogħdu wieħed fuq il-lemin tiegħek u l-ieħor fuq ix-xellug fis-Saltna tiegħek."
[Mt:20:22] Imma Ġesù wieġeb u qal : "Ma tafux x'intom titolbu. Għandkom il-ħila tixorbuh l-kalċi li għandi nixrob jien?" "Għandna," qalulu. [Mt:20:23] "Il-kalċi tiegħi tixorbuh tassew," qalilhom, "imma li wieħed joqgħod fuq il-lemin jew ix-xellug tiegħi, din mhix ħaġa tiegħi biex nagħtiha jien, imma hi għal dawk li għalihom kienet imħejjija minn Missieri."
[Mt:20:24] Il-għaxra l-oħra, meta semgħu dan, inkorlaw għaż-żewġt aħwa. [Mt:20:25] Imma Ġesù sejħilhom u qalilhom: “Tafu intom, il-kapijiet tan-nazzjonijiet jaħkmu fuqhom, u l-kbarat iħaddmu s-setgħa tagħhom fuqhom. [Mt:20:26] Fostkom m’għandux ikun hekk; imma min fostkom irid ikun kbir, għandu jkun qaddej tagħkom, [Mt:20:27] u min irid ikun l-ewwel fostkom, għandu joqgħod l-ilsir tagħkom. [Mt:20:28] Hekk ukoll Bin il-bniedem; hu ma ġiex biex ikun moqdi, imma biex jaqdi u biex jagħti ħajtu b’fidwa għall-kotra”.
Il-Kelma tal-Mulej
R/. Tifħir lilek Kristu.
><> ><> ><>
IN YEAR B - SUNDAY GOSPEL OF WEEK 29 IN ORDINARY TIME
--- The Son of Man came to give his life as a ransom for many ---
Evanġelju
Bin il-bniedem ġie biex jagħti ħajtu b’fidwa għall-kotra.
Mk 10, 35-45
Qari mill-Evanġelju skont San Mark
F’dak iż-żmien, [Mk:10:35] Ġakbu u Ġwanni, ulied Żebedew, resqu lejh u qalulu: "Mgħallem, dak li se nitolbuk irriduk tagħtihulna." [Mk:10:36] "Xi triduni nagħmlilkom?" staqsiehom. [Mk:10:37] U huma weġbuh: "Ħallina noqogħdu wieħed fuq il-lemin u l-ieħor fuq ix-xellug fil-glorja tiegħek."
[Mk:10:38] Imma Ġesù qalilhom: "Ma tafux x'intom titolbu. Għandkom ħila tixorbu l-kalċi li se nixrob jien, u titgħammdu wkoll bil-magħmudija li biha se nitgħammed jien?" [Mk:10:39] "Ghandha," qalulu. Mbagħad qalilhom Ġesù: "Il-kalċi li se nixrob jien tixorbuh, iva, u titgħammdu wkoll bil-magħmudija li biha se nitgħammed jien; [Mk:10:40] imma li wieħed joqgħod fuq il-lemin jew fuq ix-xellug tiegħi, din m'hijiex ħaġa tiegħi li nagħtiha jien, imma hi għal dawk li għalihom kienet imħejjija."
[Mk:10:41] L-għaxra l-oħra, meta semgħu dan, saħnu għal Ġakbu u għal Ġwanni. [Mk:10:42] Imma Ġesù sejjħilhom u qalilhom: "Tafu intom, dawk in-nies, li l-bnedmin jgħodduhom bħala kapijiet tal-pagani, jaħkmu fuqhom, u l-kbarat tagħhom iħaddmu s-setgħa tagħhom fuqhom. [Mk:10:43] Fostkom ma għandux ikun hekk, imma min irid ikun kbir fostkom, għandu jkun qaddej tagħkom, [Mk:10:44] u min irid ikun l-ewwel fostkom, għandu joqgħod ilsir ta' kulħadd. [Mk:10:45] Għax hekk ukoll Bin il-bniedem, hu ma ġiex biex ikun moqdi, imma biex jaqdi u biex jagħti ħajtu b'fidwa għall-kotra."
Il-Kelma tal-Mulej
R/. Tifħir lilek Kristu
================
Jew il-forma l-qasira
Evanġelju
Bin il-bniedem ġie biex jagħti ħajtu b’fidwa għall-kotra.
Mk 10, 42-45
Qari mill-Evanġelju skont San Mark
F’dak iż-żmien, Ġesù sejjaħ lejh it-Tnax u qalilhom: “Tafu intom, dawk in-nies, li l-bnedmin jgħodduhom bħala kapijiet tal-pagani, jaħkmu fuqhom, u l-kbarat tagħhom iħaddmu s-setgħa tagħhom fuqhom. Fostkom ma għandux ikun hekk, imma min irid ikun kbir fostkom, għandu jkun qaddej tagħkom, u min irid ikun l-ewwel fostkom, għandu joqgħod ilsir ta’ kulħadd. Għax hekk ukoll Bin il-bniedem, hu ma ġiex biex ikun moqdi, imma biex jaqdi u biex jagħti ħajtu b’fidwa għall-kotra”.
Il-Kelma tal-Mulej
R/. Tifħir lilek Kristu
.
.
><> ><> ><>
This is a reflection given by Fr. Andre M. Feain on the readings for the 29th Sunday of Ordinary Time, October 18th 2015.
Those places on the left and right of Jesus are for Mary and Joseph
Ambitious Apostles? Deo Gratias!
click over white arrow in the middle below to start video
IN PERSUIT OF GREATNESS (Matthew 20:20-28)
1. Embrace true greatness through suffering (v.22-23)
2. Embrace true greatness through serving (v.24)
3. Embrace the true greatness of the Saviour (v.28)
================================
Humanae Vitae
Humanae Vitae, the most debated encyclical in modern history - Published on 25 Jul 2014
.
.